АҞӘА, лаҵара 26 - Sputnik. Аԥсны аиҳабыра 2025 шықәса ԥхынгәымза акы инаркны иалкаау акатегориақәа ирыҵанакуа атәанчахәы аизырҳара азԥхьагәанаҭоит ҳәа аанацҳауеит Аминистрцәа реилазаара апресс-маҵзура.
Иахьа аԥыза-министр Владимир Делбеи Аԥсны Атәанчахәытә фонд анапхгаҩы Денис Гәлариеи русуратә еиԥылара мҩаԥысит.
Ашықәс алагамҭа инаркны лаҵарамза акынӡа атәанчахәқәеи, ацхыраагӡақәеи, ашәарацҵақәеи рзы 561,6 миллион мааҭ азоужьуп.
Аиҳабыра рхада иазгәеиҭеит ихадоу зҵаараны ишықәгылоу, иҳаҩсыз ашықәсқәа рзеиԥш, еиҳа иԥсыҽу акатегориақәа рзы атәанчаҩхәы амҽхак шьаҿа-шьаҿала аиндексациа азура.
"Ари аизҳара зегь реиҳа изнырыр зылшо акатегориахь иаҵанакуеит зықәрахь инеихьоу атәанчаҩцәа, урҭ аа-нызқьҩык инареиҳаны иҟоуп, иара убасгьы зхәыҷаахыс иинвалидцәоу", — ҳәа инаҵшьны иазгәеиҭеит Делба.