2021 шықәса инаркны Аԥсны ақыҭанхамҩа аминистрра ихацнаркит, аграртә сектор адгылара аҭара иазырхаз,ақытанхамаҩа аҿиаразы апрограмма. Раԥхьатәи ашықәсқәа рзы апроектқәа рынагӡаразы ареспубликатә биуџьет аҟнытә иазоурыжьуан 100 -100 миллион мааҭ, ҩышықәса раахижьҭеи даҽа 50- 50 миллион мааҭ ацҵан. Уажәы иааиуа ашықәс азы ақыҭанхамҩа аминистр ишиҳәаз ала, иҟоуп агәҭакы ари апроект 300 миллион мааҭ рҟынӡа азоужьразы. Адгьыл иқәаарыхырц зҭаху, еиуеиԥшым ахырхарҭақәа рыла анхамҩа аус адулараз агәаҳәара змоу рзы иарбан ҭагылазаашьоу иаԥнаҵо ари апрограмма, апроектқәа еиҳаны рыдкылразы афинансқәа реизырҳара абанӡахәҭоу, анаҩс ааглыхра аус аҿы шаҟа ицхыраагӡахар алшои уи аҭыԥантәи аалыҵ аиуразы, абарҭқәа ртәы далацәажәеит ақыҭанхамҩа атәы бзианы издыруа, аамҭак азы аминистрра напхгара азҭоз Даур Ҭарба.
Аицәажәара шәахар шәылшоит аудиофаил аҟны хыхь.