Рашәара 19 рзы Очамчыра акультуратә хан аҿы имҩаԥысран иҟоуп ахәыҷтәы хореографиатә ансамбльқәа «Абазеи» «Абжьыуааи» реицықәыгалара. Уи алагьы иаатуеит Аԥсны акультура аминистрра аԥхынтәи аҩныҵҟатәи агастрольтә программа.
Арадио Sputnik аефирқәа рҿы ҳарзааҭгылалоит арҿиаратә коллективқәа русура, ирыгу-ирыбзоу, ирымоу апланқәа ртәы. Уажәы иаамҭоуп Очамчыра араионтә ахәыҷтәы ансамбль "Абжьыуаа". Ахәыҷтәы ансамбль «Абжьыуаа» асахьаркыратә напхгаҩы, Аԥсны зҽаԥсазтәыз артист Ҭемыр Ҭыҩба арадио Sputnik иазеиҭеиҳәеит имҩаԥысран иҟоу аконцерт атәы.
Шәазыӡырҩы аиҿцәажәара.