АҞӘА, рашәара 25 - Sputnik. Ахәыҷқәа рзы аомбудсмен иусбарҭаҿы иҟоу адырраҭара-абжьгаратә маҵзура 2025 ашықәс азбжазы 37 зыҳәа аиуит ҳәа азгәалҭеит аусбарҭа азиндырыҩ Екатерина Лиаховецкаиа.
Азҵаарақәа аиҳарак абарҭ ахырхарҭақәа ирыҵаркуан:
алиментқәа рзы ауалԥшьақәа,
асоциалтәи атәанчахәтәи еиқәыршәара рызҵаарақәа,
аҭаацәара-бзазаратәқәа,
аҵарадырра азҵаарақәа.
"Азыҳәаҩцәа реиҳарак зхала иҟоу анацәа, ахәыҷы рацәа змоу аҭаацәарақәа, иара убасгьы иуадаҩу аԥсҭазааратә ҭагылазаашьаҿы ахәыҷқәа зааӡо рыуацәа роуп", — ҳәа азгәалҭеит лара.
Еиҳарак Аҟәеи Гагреи араионқәа рҟынтәи акәын аҭел ишасуаз.