Наӡаӡатәи ақалақь: Аҟәа 2509 шықәса ахыҵра азгәаҭара

Адунеи аҟны ижәытәӡатәиу ақалақьқәа ируаку Аҟәа иахыҵит 2509 шықәса.

Ажәтәӡатәи ажәабжьқәа изларҳәо ала, Амшын еиқәа аԥшаҳәаҿы иҟоу ақалақь ашьаҭа ркит аргонавтцәа, аишьцәа-диоскураа Кастори Полидевки, дара ахьтәы уасцәа аԥшаара ашьҭахь рыҩныҟа ахынҳәра рҭахымхеит.

Аҳҭнықалақь ахадара аныҳәа азгәаҭараз иазнархиеит акультуратәи арлахҿыхратәи аусмҩаԥгатәқәа рацәаны.

1 / 16

Аҟәа Ақалақь амш азы аҳҭнықалақь ахадара мҽхакы ҭбаала аусмҩаԥгатәқәа рплан еиқәнаршәеит.

2 / 16

Тарас Шамба ихьӡ зху апарк аҿы ақалақь ахәыҷқәеи асасцәеи аныҳәатә марафон рзыԥшын.

3 / 16

Араҟа атракционқәа рыдагьы, аҭааҩцәа ирзыԥшын аҟазацәа хәыҷқәа русумҭақәа, аниматорцәа, ацирк аҟнытә артистцәа, акьанџьақәа рспектакль.

4 / 16

Аҟазара абзиабаҩцәа хәыҷқәа алшара рыман асахьаҭыхреи арԥшьшьареи.

5 / 16

Багаԥшь ихьӡ зху ашҭаҿы Аԥсни Урыстәылеи рхәыҟаҵаҩцәа 15-ҩык адәынтәи аишәақәа дырхиеит.

6 / 16

Ари аҳҭнықалақь аҿы раԥхьатәи агастрофестивальуп.

7 / 16

Иара иаҭааит Аԥсны анапхгареи Урыстәылантәи иааз асасцәеи.

8 / 16

Асасцәа ирыдыргалон аԥсуа, аурыс, европатәи ачыс хкқәа.

9 / 16

Афестиваль алахәылацәа агьама рбар рылшон аилаџь, акәац аҵәы иахаҵны иӡыз уҳәа егьырҭ ачыс хкқәагьы.

10 / 16

Ацирк аҟнытә артистцәа асасцәа иддырбеит еиуеиԥшым амаанақәа.

11 / 16

Амҳаџьырқәа рыԥшаҳәаҿы изҭахыз рымчқәа ԥыршәар рылшон ашахматқәеи ашашкеи рҟны.

12 / 16

Аԥсны Абанк амузеи аҟны имҩаԥысит аҳҭнықалақь аҭоурыхтә хҭыс хадақәа зныԥшуа ацәыргақәҵа "Аҟәа. Аколлекционер илақҭала".

13 / 16

Самаратәи аоркестр аҳҭнықалақь ауааԥсыреи асасцәеи рзы аныҳәатә концерт мҩаԥнагеит агәашьаркыраҿы.

14 / 16

Шьынқәба ипарк аҿы имҩаԥысит ахыци ахәымпали рыла ахысраз аицлабра "Аеҵәа кыдызԥааз".

15 / 16

Ахәылԥаз хыркәшан аныҳәатә концерт ала.

16 / 16

Аԥсуа ртистцәа рықәгыларақәа ирыхәаԥшит шәҩыла ақалақь ауааԥсыреи асасцәеи.