АҞӘА, ԥхынгәы 24 — Sputnik. 50 реис инеиҳаны итәараны иҟоуи ишьҭыԥраауеи аҳаирпланқәа аанкылоуп шәачатәи аҳаирбаӷәаза аҟны.
Уажәазы атерминалқәа рҟны аҭагылазаашьа ҭышәынтәалоуп, асасдкыларатә маҵзура аменеџьерцәеи аҳаиреилахәырақәа рхаҭарнакцәеи апассаџьырцәа ацхыраара рырҭоит.
Итәараны иҟоуи ишьҭыԥраауеи аҳаирпланқәа раамҭа аԥсахрақәа алагалазаауеит, адыррақәа аинформациатә екранқәа рҟны иҟалалоит, иара убас ирылаҳәахоит ҳәа аанацҳауеит аҳаирбаӷәаза.
Иаха украинатәи аԥырҩы дызҭам аҳаирпланқәа Шәача иажәлеит. Асааҭ 23:09 шыҟаз аҳаирбаӷәаза аусураҿы аԥкрақәа алагалан, урҭ аԥыхын асааҭ 05:40 рзы.