АҞӘА, ԥхынгәы 24 — Sputnik. Бақәа ирбаандаҩу аурысқәа роушьҭра Урыстәылеи Азербаиџьани реизыҟазаашьақәа рҭышәынтәаларазы акыр зҵазкуа шьаҿаны иҟалар алшоит ҳәа азгәалҭеит Урыстәыла адәныҟатәи аусқәа рминистрра ахаҭарнак Мариа Захарова.
Лара иазгәалҭеит урыстәылатәи ажурналистцәа – Sputnik Азербаиџьан анапхгаҩы Игорь Картавихи аредактор хада Евгени Белоусови – закәаншьаҭала аус шыруаз. Уи адагьы, ареспубликаҿы иаанкылан даҽа 11-ҩык атәылауаа, атуристцәагьы уахь иналаҵаны. Захарова лажәақәа рыла, азинхьчаҩцәа арҭ аусмҩаԥгатәқәа рымҩаԥгаразы ҵаҵӷәыкгьы рымамызт.
"Уажәазы, Азербаџьани ҳареи ҳаизыҟазаашьақәа уадаҩуп. Урыстәыла ақәгәыӷуеит иаарласны аҭагылазаашьа аиӷьтәра алшап ҳәа", — лҳәеит лара.