АҞӘА, нанҳәа 8 - Sputnik. Аԥсны Аҩнуҵҟатәи аусқәа рминистрра Урыстәылеи Аԥсни рҳәаа иахьаҵанакуа ашәарҭадаратә уснагӡатәқәеи амҩатә ныҟәара ахылаԥшреи арӷәӷәеит.
Агәаҭаратә ҭыԥ "Ԥсоу" аамҭала аркра (https://t.me/sputnik_apsny_info/11283) инамаданы, ҩ-километрак рҟынӡа амашьынеишьҭагылара шьақәгылеит ҳәа азгәарҭеит (https://t.me/mvd_raa/2015) аусбарҭаҿы.
Цандрыԥшь аамҭалатәи амҩа-хылаԥшратә маҵзура (ДПС) апункт дыргылеит, уи атранспорт аныҟәареи аиԥынгылареи хылаԥшра азнауеит. Апост "Баӷрыԥсҭа" адҵа амоуп аҳәаахь ицо амашьынақәа дырхынҳәларц.
Гагра араион ахь Аҳәынҭавтоинспекциа аекипажқәа инацҵаны идәықәҵоуп, "Мысра", "Бзыԥ" апостқәа русзуҩцәагьы аҳәааҿы иҟоу аҭагылазаашьазы амашьынарныҟәцаҩцәа адырра рырҭоит, рышьҭахьҟа игьежьырц абжьгарақәа рырҭоит.
Аусбарҭа атәылауаа рахь аҳәара ҟанаҵеит Гагратәи ахырхарҭала аныҟәара рҽацәырыхьчарц. Аҳәынҭқарратә автоинспекциа ареспубликатә мҩаду аҿы иҟоу аҭагылазаашьа азы аамҭа-аамҭала адыррақәа ҟанаҵалоит.