АҞӘА, нанҳәа 8 - Sputnik. Жәларбжьаратәи ашьҭазаара ззы ирылаҳәоу Ҭырқәтәыла атәылауаҩ Аԥсны дааныркылеит.
Аҳәынҭқарратә шәарҭадаратә маҵзура иҟанаҵаз адыррақәа рыла 37 шықәса зхыҵуа Демироз Угур еиҿкаау ацәгьоуратә гәыԥ "Демироси" анапхгаҩы иоуп.
Уи Ҭырқәтәыла гәҭакрала иҟаҵаз ауаҩшьра далахәын ҳәа агәҩара рымоуп. Угур Аԥсныҟа дааит закәандарала, Егры аӡиас аҿы иҟоу аҳәаа дахысит ашьаус дацәцарц азы.