Аҟәатәи абаа аҵакыраҿы аԥсуа культура афестиваль Аpsua Code мҩаԥысуеит арҭ амшқәа рзы. Ари аԥшьгамҭа автор Сана Ҭарԥҳа лажәақәа рыла, уи Аԥсны адоуҳатәи аматериалтәи культура аларҵәара иазырхоу амҽхак ду змоу апроект ду иахәҭакуп. Ицәыргоуп аҭыԥантәи анапҟазацәа раалыҵқәа, еиҿкаауп акультура иазку аудио-, афото-, авидеоаинсталлиациақәа рбара ахьалшо амедиазона. Апрограмма зегьы аинтерактивтә ҟазшьа амоуп –иҟоуп ахәыҷқәа рзы амилаҭтә орнаментқәа зцу ашәыгақәа, арԥшьшьаразы амастер-классқәа, аԥсуышәала аинтерактивтә урокқәа уҳәа ирацәаны ахырхарҭақәа. Ажәакала, хәыҷи-дуи рҭахрақәа азгәаҭоуп. Ас еиԥш иҟоу афестиваль ду амҩаԥгара аҵакы, ҳаамҭа уи азы иаанарԥшуа аҭахрақәа, арадио Sputnik аефир аҟны инарҭбааны далацәажәеит афестиваль Аpsua Code ахшыҩҵак автор дымҩақәызҵоз, абжьгарақәа лызҭоз иреиуоу Аԥсуа ҳәынҭқарратә музеи аҭҵаарадырратә усзуҩ еиҳабы, аетнолог Инга Шамԥҳа.
Аицәажәара аудиофаил аҟны хыхь.