АҞӘА, цәыббра 12 - Sputnik. Аԥсны аспортсменцәа есымзатәи ашәарақәа роуеит.
"Раԥхьаӡа акәны ҳара жәларбжьаратәи аренаҿы аихьӡара ҳаракқәа аазырԥшуа аспортсменцәа еиԥмырҟьакәа ацхыраара роулартә амеханизм алаҳгалоит", — иҳәеит Аҳәынҭқарратә спорттә еилакы ахада Ҭарашь Ҳагба.
Апрограмма 41-ҩык алахәуп, урҭ ахԥатәи рыхәҭа аиқәԥаҩцәа роуп. Аԥарақәа роуеит егьырҭ адисциплинақәа рхаҭарнакцәагьы – абокс, мрагыларатәи аибашьратә ҟазара, ашахмат, атлетика хьанҭа, атеннис, афигуратә чаразра.
Ҳагба иазгәеиҭеит, аԥаратә хархәагақәа мызкахьы 10 нызқь мааҭ инаркны 30 нызқь мааҭ рҟынӡа ишышьақәгылоу, уи зауа реихьӡарақәа инарықәыршәаны. Сынтәа апрограмма анагӡаразы 4,8 миллион мааҭ азоужьуп.