АҞӘА, цәыббра 29 - Sputnik. Севастопольтәи ақьафурҭақәа руак ахәыҟаҵаҩ хада дааныркылеит дыԥсахҩуп ҳәа гәҩарас дҟаҵаны ҳәа аанацҳауеит Афедералтә шәарҭадаратә маҵзура.
45 шықәса зхыҵуа урыстәылауаҩ ИАО аруаа ашҳам рыҭара лгәы иҭан.
Уи адагьы, лара Украинатәи аԥшыхәратә усбарҭақәа аус рыцылуан, Севастопольтәи абаӷәазаҿы аибашьыга ӷбақәа аракетатә жәылара рзуразы афотосахьақәа рзыналышьҭуан.
Ашьаус хацыркуп, гәҩарас иҟоу дҭакуп.