Аибашьра ажәа хьанҭоуп, гәкажьгоуп, ажәа Аиааира гәышьҭыхгоуп, ԥсҭаҵагоуп. Абасала 33 шықәса раԥхьа аԥсреи-абзареи ирыбжьагылаз ҳажәлар шықәсык инацны ирхыргаз ҳәашьа амам. Аԥсны зегьы амцашыра иалагылан, еиҳагьы иуадаҩӡан Мрагыларатәи афронт аҭагылазаашьа. Амацәаз иҭакхаз, анаҩс ақалақь- фырхаҵа ҳәа ахьӡ зырҳаз ауп Тҟәарчал. Ирхыргаз уа иаланхоз ауааԥсыра, ишазыԥшыз аиааира, ишаԥыло иахьа ақалақь ауааԥсыра Аԥсны жәлар рзы ихадаратәу аныҳәа - Аиааиреи Ахьыԥшымреи рымш, аефир аҟны далацәажәеит Тҟәарчал араион акультура аҟәша аиҳабы Рита Ажьиԥҳа.
Аицәажәара аудиофаил аҟны хыхь.