Аԥсны жәлар рныҳәа хада: Аҟәа имҩаԥгаз Аиааира апарад

Цәыббра 30 1993 шықәса рзы Аԥсны Арбџьармчқәа Егры аӡиас иаԥну Қырҭтәылеи ҳареи иҳабжьоу аҳәынҭқарратә ҳәаахь инеины ҳҳәынҭқарратә бираҟ ахадыргылеит, уи алагьы 413 мши ҵхи ицоз аџьынџьтәылатә еибашьра хыркәшан.

Аиааиреи Ахьыԥшымреи рымш Аԥсны иазгәарҭоит цәыббра 30 рзы. 1993 шықәса цәыббра 30 аҽны аԥсуа ар Аԥсни Қырҭтәылеи рҳәааҿы аԥсуа бираҟ ахадыргылеит.

1 / 15

Иахьа Аԥсны ныҳәоуп — ҳажәлар 1992-1993 шш. рызтәи Аџьынџьтәылатә еибашьраан иргаз Аиааира иамшуп!

2 / 15

Аҟәа арратә парад мҩаԥысит.

3 / 15

Аиааира амшныҳәа аҽны ақәа леиуан

4 / 15

Аибашьра цон 413 мши-ҵхи. Ари аамҭа иалагӡаны иҭахеит 1700-ҩык аԥсадгьыл ахьчаҩцәа, шәҩыла аҭынч уааԥсыра.

5 / 15

Апарад иахәаԥшон Аԥсни, Урыстәылеи, Аахыҵ Уаԥстәылеи рҟынәи анапхгара.

6 / 15

Аиааираҿы рлагала дууп Нхыҵ Кавказ, Алада Урыстәыла, Ҭырқәтәылатәи ҳдиаспора рҟынтәи хатәгәаԥхарала еибашьуаз ҳашьцәа.

7 / 15

Аруаа мҩасуан арратә оркестр иадырҳәоз амарш ршьаҿа ақәыршәаны.

8 / 15

Агәалашәаратә усмҩаԥгатәқәа ирылахәхарц иааит изызҳауа абиԥарагьы.

9 / 15

Шьаҿеиқәшәала имҩасит Аԥсны Арбџьармчқәа аруаа, Урыстәыла АШәМ Аҳәаахьчаратә маҵзуреи, абыжьбатәи арратә базеи рыруаа, иааидкыланы 990-ҩык инареиҳаны.

10 / 15

Зыԥсадгьыл зхы ақәызҵаз ари амш азы хәыҷгьы-дугьы иргәаладыршәоит.

11 / 15

Апарад напхгара азиуан атәылахьчара аминистр актәи ихаҭыԥуаҩ Беслан Ҵәыџьба.

12 / 15

Апарад идикылеит атәылахьчара аминистр Владимир Ануа.

13 / 15

Апарад иалахәын Аԥсны Арбџьармчқәа арратә техника, иара убас Урыстәылатәи абжьбатәи арратә база аҟынтәи атехника.

14 / 15

Апарад ахыркәшымҭаз авертолиотқәа ажәҩан ихалеит.

15 / 15

Аиааира 32 шықәса ахыҵра аҳаҭыраз имҩаԥгаз арратә парад хыркәшан акциа "Ԥсра зқәым архәҭа" ала.