АҞӘА, жьҭаара 10 - Sputnik. Аҟармара аҳаблаҿы амҩан амашәыр зыхьыз амашьына аанкылага еихәлашәеит ҳәа Sputnik иазеиҭеиҳәеит Аԥсны ААИ аиҳабы Дамеи Аҩӡба.
Иара иазгәеиҭеит, УАЗ аныҟәцаҩ аҳақьымтә гәаҭара дшахысыз арыжәтә, ма анаркотикатә маҭәашьарқәа идкылан дшыҟамыз.
Амашәыр ҟалеит Аҟармара аҳаблаҿы жьҭаара 9 рзы. Ааха зауз рҟынтәи аӡәы дԥырҟеит, хҩык ахәышәтәырҭаҿы ишьҭоуп, ҩыџьа амбулатортә хәшәтәра иахысуеит.