АҞӘА, жьҭаара 16 - Sputnik. Аҟәатәи 10-тәи ашкол аҿы имҩаԥысит "Аԥсны Аҳәынҭқарра ахәыҷра анавигаторцәа" аицлабра аҩбатәи алатәаратә хәҭа.
Уи иалахәын хгәыԥкны еихшаз 24-ҩык азыҳәаҩцәа. Дара рзанааҭтә ҟазара аадырԥшуан апедагогикатә дҵақәеи аинновациатә ӡбарақәеи нагӡо ҳәа аанацҳауеит Аҵара аминистрра.
Ақәгыларақәа ахәшьара рырҭон Аԥсни Урыстәылеи иналукааша рыспециалистцәа злахәыз аексперттә жиури.
Аицлабра хықәкыс иамоуп абаҩхатәра злоу аспециалистцәа рыԥшаареи разыҟаҵареи, урҭ ааӡара аус аҟны иабжьгаҩцәаны иҟалоит, Аԥсны ашколқәа рҿы аҵарадырра ахаҭабзиара аиӷьтәра иацхраауеит.