АҞӘА, жьҭаара 17 - Sputnik. Сергеи Есенин игәалашәара иазку ахәылԥаз РУСДРАМ аҿы жьҭаарамза 20 рзы имҩаԥысраны иҟоуп.
Атеатр актиорцәа апоет еицырдыруа иажәеинраалақәа нарыгӡоит, иара убасгьы ибиографиа аҟынтәи аинтерес зҵоу афактқәа амузыкатә-театртә формат ала иқәдыргылоит ҳәа аанацҳауеит Фазиль Искандер ихьӡ зху Аурыс драматә театр.
Аусмҩаԥгатә Аҟәа иҟоу Москва Аҩны еиҿнакаауеит Москва Аиҳабыра, адәныҟаекономикатәии жәларбжьаратәии аимадарақәа рзы Москва ақалақь Адепартамент, Москватәи аџьынџьуаа рыҩны рыцхыраарала.