АҞӘА, жьҭаара 25 - Sputnik. Sputnik Азербаиџьан аредактор хада Евгени Белоусов, уаанӡа Бақәа идырбаандаҩыз, доурышьҭын, Урыстәылаҟа дыԥрит ҳәа азгәалҭеит Урыстәыла адәныҟатәи аусқәа рминистрра ахаҭарнак ҷыда Мариа Захарова.
Аредакциа аиҳабы Игор Картавыхи аредактор хада Евгени Белоусови ԥшьымз иҭакын. Амедиагәыԥ Азербаиџьан анаԥхгара рахь ааԥхьара ҟарҵеит аусзуҩцәа ауршьҭырц, аҭагылазаашьа ҭышәындыртәаларц.
Жьҭаара 10 рзы "Россия сегодня" анаԥхгаҩы Дмитри Киселиов иҳәеит Картавых аҩнтәи абаандаҩрахьы дшиаргаз, жьҭаара 19 рзы дшоурышьҭыз, Москваҟа дышхынҳәыз.