АҞӘА, жьҭаара 26 - Sputnik. Урыстәыла азеиԥш культуратә ҵакыра арӷәӷәаразы иаду аҭакԥхықәра еилнакаауеит, уи аҵакыра Аԥсынгьы аҵанакуеит ҳәа иазгәеиҭеит РУСДРАМ адиректор хада Иракли Хынҭәба.
"Ари аҵакыра иаԥырхагахар зҭаху рацәаҩуп. Сара агәра згоит, ҳара урҭ азҵаарақәа араҟа ҳрылацәажәоит, насгьы ҳколлегацәеи ҳареи афорум аҿы ҳазлацәажәо иҷыдоу апланқәа ҳамоуп", — ҳәа иазгәеиҭеит иара.
Хынҭәба иазгәеиҭеит Аԥсны 30 шықәса инареиҳаны жәларбжьаратәи асанкциақәа ишрыҵанакуа, ари аамҭа зегьы жәларбжьаратәи ауаажәларра иаҟәыҭханы иҟоуп ҳәа. Урыстәыла иҟанаҵо адгылара атәыла аҿиара иацхраауеит, ҩганктәи активтә усеицура еиҳа-еиҳа иӷәӷәахоит.
Жәларбжьаратәи аусеицуратә форум Москва жьҭаарамза 26-27 рзы имҩаԥысуеит, уи аҳәынҭқарратә дипломатиа ашьақәгылара 100 шықәса ахыҵра иазкуп. Иара иалахәуп Европа, Азиа, Африка, Латинтәи Америка рҟынтә 55 тәыла рхаҭарнакцәа. Афорум еиҿыркаауеит Россотрудничествои Афонд Росконгресси.