70 шықәса раԥхьа Тҟәарчалаа ироуит аҟазара иацу агьама дзыркышаз, акультуратә хәышҭаара аҳәаақәа зырҭбаашаз акомедиатә театр. Мышқәак рнаҩсан иазгәанаҭоит аиубилеи иҿыцу апремьера ала. Ишԥаԥшьгаз атеатр аԥҵара, анаҩсан аколлектив арҿиаратә усура шԥашьақәыргылаз, иахьатәи аамҭаз иарбан ҭагылазаашьоу ари атеатр иамоу, иазхоума актерцәа, шаҟа спектакль ҿыц ықәнаргылахьоузеи аҵыхәтәантәи 5-10 шықәса рыҩнуҵҟа, иабанӡамоу ахәаԥшцәа, абри атәы арадио Sputnik аефир аҿы еиҭеиҳәеит, Тҟәарчалтәи аҳәынҭқарратә комедиатә театр арежиссиор хада, Аԥсны зҽаԥсазтәыз артист Сырбеи Сангәлиа.
Шәазыӡырҩы аиҿцәажәара.