Ростов-Донтәи аҳәынҭқарратә уаажәларратә библиотекаҿы Аԥсны аҭоурыхи акультуреи ирызку алитература атематикатә коллекциа аартуп ҳаамҭазтәи аԥсуа ҳәынҭқарра ашьаҭаркҩы ихьӡала. Ари раԥхьатәиуп Владислав Арӡынба ихьӡала Урыстәыла еиҿкаау аҭҵаарадырратә литература амемориалтә коллекциа. Ас еиԥш апроект азы ахшыҩҵак изцәырҵит Ладатәи Афедералтә университет Асоциологиеи арегионҭҵаареи аинститут апрофессор, Аԥсны аҭҵаарадыррақәа ракадемиа ҳаҭыр зқәу алахәыла Максим Васьков.
Атематикатә коллекциа иарбан ҩымҭақәоу иаҵанакыз, аусмҩаԥгатә аиҿкаара шалыршахаз, Аԥсныи Урыстәылеи рыҭҵаарадырратә еилазааразы ас еиԥш аусеицура аҵакы, арадио Sputnik аефир аҟны далацәажәеит Аԥсуаҭҵаратә институт аиҳабы Арда Ашәба.
Аицәажәара аудиофаил аҟны хыхь.