Аԥсны имҩаԥысуа амшентәи аерманцәа рфестиваль: акәашарақәеи адныҳәаларақәеи

"Амшен" Аԥсны иқәынхо амилаҭрацәа рыбжьара аиҩызареи, аҳаҭыреиқәҵареи, акзаареи инарылукааша рсимволқәа иреиуоуп", - ҳәа аҳәоит аҳәынҭқарра ахада Бадра Гәынба иҟаиҵаз адныҳәаларатә шәҟәы аҿы.

Апрограмма аҳәаақәа ирҭагӡаны имҩаԥысит амилаҭтә чысқәа ргьама абара, абзазаратә маҭәахәқәеи анапкымҭақәеи рцәыргақәҵа, Аԥсни Урыстәылеи еицырдыруа артистцәеи арҿиаратә гәыԥқәеи рықәгыларақәа.

Афестиваль аҿы ицәырган Аҟәа ақалақьи, Аҟәатәи, Гагратәи, Гәдоуҭатәи, Очамчыратәи, Гәылрыԥшьтәи араионқәа рҟынтәи адиаспорақәа рстендқәа, иара убас Ахәаахәҭра-ааглыхратә палата аделегациа астендгьы.

1 / 12

Быжьшықәса раахыс имҩаԥысуа амшентәи аерманцәа ркультуреи рыбзазареи рфестиваль "Амшен" мҩаԥган Аракьыҽы ақыҭан.

2 / 12

"Амшен" - ари Аԥсны инхо амшентәи аерманцәа ркультуреи рыбзазареи аазырԥшуа ныҳәоуп.

3 / 12

Традициала Аԥсны араионқәа рҿы инхо аерманцәа аныҳәа аҟны ицәырыргоит рмилаҭтә чысҳкқәеи рыбзазаратә маҭәахәқәеи.

4 / 12

Асценахь ицәырҵыз артистцәа инарыгӡеит аерман жәлар рашәақәа.

5 / 12

Иара убас, ахәыҷтәы ахореографиатә коллективқәа амилаҭтә кәашарақәа нарыгӡеит ацаха ҟаԥшьқәа кны.

6 / 12

"Амшен"- ари ибрақьаҭу, ачеиџьыка ахьыҟоу, изҭаху зегь иҭаху агьама ибар ахьилшо ныҳәоуп.

7 / 12

Абыжьбатәи афестиваль аҟны ицәырган Аҟәа ақалақьи, Аҟәатәи, Гагратәи, Гәдоуҭатәи, Очамчыратәи, Гәылрыԥшьтәи араионқәа рҟынтәи адиаспорақәа рстендқәа.

8 / 12

Адиаспора ахаҭарнакцәа ачыс агьама дырбара адагьы, асасцәа ирзеиҭарҳәон рҭоурых, иддырбон амузыкатә рҳәагақәа.

9 / 12

Астендқәа рҟны ицәырган досу рқыҭақәа рҟынтәи сынтәатәи рҽаҩра.

10 / 12

Кавказаа рныҳәақәа зымҩасрыма ашьтәа аҵәы иахаргьежьуа имӡыкәа.

11 / 12

Аныҳәа еснагь иаҭаауеит Аԥсны анаԥхгара, атәыла ахада Бадра Гәынба адныҳәыларатә шәҟәы рзынаишьҭит.

12 / 12

Уаҟа иаҳәоит "Амшен" Аԥсны иқәынхо амилаҭрацәа рыбжьара аиҩызареи, аҳаҭыреиқәҵареи, акзаареи инарылукааша рсимволқәа иреиуоуп ҳәа.