Угәаҵанӡа инеиуа: Аԥсуа драматә театр аҿы аспектакль "Аешелон" аԥхьарбара мҩаԥысит

Михаил Рошьин ипиесала иқәыргылоу аспектакль "Аешелон" аԥхьарбара мҩаԥысуеит Аԥсуа ҳәынҭқарратә драматә театр аҿы абҵара 24-25 рзы.

Ари адәыӷба авагон аҿы машәыршәа еиқәшәаз, аибашьра ианиаз ауаа рҭоурых иазкуп. Дара рыԥсҭазаара еиуеиԥшым, аха рыцҳарак еиднакылоит.

Аспектакль арежиссиор, Аԥсны зҽаԥсазтәыз артист Мадина Аргәынԥҳа лажәақәа рыла, ақәыргыламҭаҿы инарҭбааны иаарԥшуп аибашьра ҭаацәарацыԥхьаӡа, аԥҳәыс, ахәыҷы, ақәыԥш зегьы ишырныруа.

Аспектакль Урыстәыла акультуратә фонд ацхыраарала иаԥҵоуп. Асахьаҭыхҩы-адекоратор – Гарри Дочиа, акостиумқәа рзы асахьаҭыхҩы – Диана Допуаԥҳа, акомпозитор – Аԥсны зҽаԥсазтәыз артист Ҭемыр Агрба, арлашаратә дизаинер – Николаи Рыбников.

1 / 11

Аспектакль "Аешелон" аԥхьарбара мҩаԥысуеит Аԥсуа ҳәынҭқарратә драматә театр аҿы абҵара 24 рзы.

2 / 11

Михаил Рошьин ипиесала иқәыргылоу аспектакль Урыстәыла акультуратә фонд ацхыраарала иаԥҵоуп, насгьы иара Аџьынџьтәылатә еибашьра Дуӡӡаҿы игаз Аиааира 80 шықәса ахыҵра иазкуп.

3 / 11

Аспектакль арежиссиор - Аԥсны зҽаԥсазтәыз артист Мадина Аргәынԥҳа.

4 / 11

Асиужет ауаҩи аибашьреи реиҿагылара иазкуп. Ахҭыс мҩаԥысуеит адәыӷба аҩнуҵаҟа, машәыршәа еиқәшәаз ауаа рҭоурых иазкуп.

5 / 11

Афырхацәа аамҭала изыниаз аҭагылазаашьа цәгьаҟны рхы андырнаалар акәхоит.

6 / 11

Асахьаҭыхҩы-адекоратор – Гарри Дочиа

7 / 11

Ажурналистцәа рзы аспектакль "Ешелон" мҩаԥган абҵара 22рзы.

8 / 11

55,5 нызқьҩык Аԥсны аԥацәеи аԥҳацәеи Аџьынџьтәылатә еибашьра Ду иалахәын.

9 / 11

17 нызқьҩык инареиҳаны рыҩныҟақәа изыхнымҳәӡеит.

10 / 11

Игәыҭшьаагоу хҭысла иҭәу "Аешелон" ахәаԥшцәа ргәаҵанӡа инеиуеит.

11 / 11

Аҩбатәи арбара иахьа имҩаԥысуеит.