Анхарҭа ҩнқәа инхарҭатәым рахь ииаганы атәым ҳәынҭқарра атәылауаа ианраадырхәо ахҭысқәа рацәахо иалагеит, уи Аԥсназы ишәарҭоуп ҳәа азыԥхьаӡаны аиҭакрақәа ҳадаҳкылеит иҳәеит Аԥсны Апарламент адепутат Демур Гогьиа, арадио Sputnik аинтервиу аҭо.
Аиҭакрақәа инарықәыршәаны, иалкаау аҭагылазаашьақәа раан акоммерциатә хархәаразы аҭыԥантәи аҳәынҭқарратә усбарҭақәа рыӡбарала инхарҭатәым астатус ахь аиагара имҩаԥгазар алшоит абарҭ рганахьала: ақалақьтә еиланхарҭақәа рҿы ауадарацәа змоу аҩнқәа актәи реихагылақәа рҿы иҟоу анхарҭа уадақәа;ақалақьтә еиланхарҭақәа рҿы ахатәыҩнқәа рҟны анхарҭатә уадақәа.
Анхарҭатә еизыҟазаашьақәа ирызку азакәанԥҵаратә актқәа рҿы аиҭакрақәа ралагалара заҭаххаз, урҭ амч анроуа, аԥҟара еилазгаз хьырхәрас ирзыԥшу атәы еиҭеиҳәеит.