33 шықәса раԥхьа, ԥхынҷкәын 14 1992 шықәса рзы Лаҭа ақыҭан икаҳаит Тҟәарчалынтә ахҵәацәа зманы иаауаз агуманитартә вертолиот. Аракета ҭырҟьан Қырҭтәыла Аҳәынҭсовет ар ирымпыҵакыз аҵакыраҟынтә.
Авертолиот иҭатәаз 87-ҩык апассаџьырцәа зегьы ҭаблит. Урҭ рыбжьара иҟан 35-ҩык ахәыҷқәеи ааҩык зцәазтәымыз аҳәсеи. Авертолиот иҭан Владимир Анцупови Аслан Занҭариеи назлаз жәаҩаҩык аибашьцәа – еицырдыруаз аԥсуа командирцәа, Аԥсны Афырхацәа.
Ҷлоу акультуратә хан аҿы еиҿкаау Аԥсны Аџьынџьтәылатәи еибашьра амузеи аиҳабы Мзиа Кәыҵниа арадио Sputnik аефир аҿы уи амш лгәалалыршәоит.
Шәазыӡырҩы аиҿцәажәара.