Ақалақь-фырхаҵа амш: Тҟәарчал 84 шықәса ахыҵит

Тҟәарчал Аԥсны индустриалтә центрк аҳасабала еиҿкаан мшаԥы 9 1942 шықәсазы.

Ақалақь иуникалтәу ҭыԥуп, иаакәыршаны ашьхақәа шьҭоуп, мҩа хадас иҟоу акоуп - ақалақь алаларҭеи алҵырҭеи. Тҟәарчал архитектурагьы аинтерес аҵоуп. Административтәи ауаажәларратәи ргыларақәа рыпроектқәа ҟазҵоз анемец архитекторцәеи анџьнырцәеи ракәын. Убри азоуп ари ақалақь егьырҭ Асовет еидгыла ақалақьқәа изреиԥшым.

1992-1993 шықәсқәа рзы ақалақь иахнагеит 413 мшы ицоз аблокада хьанҭа. Аблокадеи ақырҭуа ар иаларыжьуаз арҭҟәацрақәеи ирыхҟьаны иҭахеит, аахақәа роуит шәҩыла аҭынч уааԥсыра.

Цәыббрамза 27, 2008 шықәсазы Аԥсны ахада Сергеи Багаԥшь инапы зҵаиҩыз ақәҵарала Тҟәарчал "Ақалақь–фырхаҵа" ҳәа аҳаҭыртә хьӡы ахҵоуп.

1 / 13

Тҟәарчал Аԥсны индустриалтә центрк аҳасабала еиҿкаан мшаԥы 9 1942 шықәсазы.

2 / 13

Тҟәарчал ақалақь 84 шықәса ахыҵра азгәаҭара даҭааит Аԥсны ахада Бадра Гәынба.

3 / 13

Иара убас ари амш аҽны Тҟәарчал иаҭааит аԥыза-министр Владимир Делба, Аԥсны аминистрцәа реилазаара алахәылацәа, Жәлар Реизара адепутатцәа, араион анапхгара, аруаа, ауааԥсыра.

4 / 13

Ацәыргақәҵа "Тҟәарчал: ажәытәра инаркны ақалақь-баҳчахь" еиҿкаан.

5 / 13

Аԥсны раԥхьатәи ахада Владислав Арӡынба дыргәаладыршәеит Тҟәарчал. Иара убас ашәҭшьыҵәрақәа шьҭарҵеит Аԥсны жәлар Рџьынџьтәылатә еибашьраан иҭахаз ргәаларшәара аҳаҭыраз игылоу абаҟа амҵан.

6 / 13

Агортензиа шәҭқәа еиҭарҳаит.

7 / 13

Аныҳәатә концерт мҩаԥган.

8 / 13

Аԥсуа естрада ашәаҳәаҩцәа еицырдыруа аԥҵамҭақәа нарыгӡеит.

9 / 13

Бадра Гәынба Тҟәарчал ақалақь 84 шықәса ахыҵра рыдиныҳәалеит.

10 / 13

Тҟәарчал асоциал-економикатә ҿиаразы иназыцҵоу 5 млн мааҭ азоурыжьит.

11 / 13

Жәа-метрак иҟаз "агортензиатә" торт рӡит Тҟәарчал ақалақь амш азгәаҭара аҳаҭыраз.

12 / 13

Ақалақь амш аҽны ахәыҷқәа ахаа иалагылаз 84 цәашьы иаҭәҳәеит, уи ашьҭахь агәаҳәара змаз зегьы агьама ддырбеит.

13 / 13

Цәыббрамза 27, 2008 шықәсазы Аԥсны ахада Сергеи Багаԥшь инапы зҵаиҩыз ақәҵарала Тҟәарчал "Ақалақь–фырхаҵа" ҳәа аҳаҭыртә хьӡы ахҵоуп.