Аԥсны Аҭҵаарадыррақәа ракадемиа апрезидент Зураб Џьапуа Sputnik Аԥсны арадио аҟны еиҭеиҳәеит ААР ҩажәашықәса ахыҵра иазкны имҩаԥгахо аусмҩаԥгатәқәа.
"Убас иаҳҭахуп, Аԥсны аҭҵаарадыррақәа ракадемиа апрезидиум иалоу аҵарауаа агәыӷра ҳамоуп иҳаракны ҳаԥылап ҳәа. Иҵабыргуп, ҩажәа шықәса ари шықәс дуӡам, аха иагьмаҷуп уҳәар ҟалаӡом, избан акәзар, академиа ашьақәгылараҿы акыр шьаҿа ҟанаҵахьеит", — иҳәеит Зураб Џьапуа.
Аиубилеитә рыцхә аҵакы аманы ҳаԥылар ҳҭахуп, азгәеиҭеит Аԥсны Аҭҵаарадыррақәа ракадемиа апрезидент.
Арепатриациазы аҳәынҭқарратә хеилак аҿы имҩаԥысит аиԥылара Ҭырқәтәыла иҟоу ҳџьынџьуаа рхаҭарнакцәа алархәны. Асасцәа Аԥсныҟа раара адҳәалоуп ҳтәылаҿы Аиааира амш ныҳәа азгәаҭара.
Аԥсуа ԥқьаҭасыҩ Амина Аншԥҳа Анталиа имҩаԥысуаз аԥқьаҭасразы ITF акатегориа иатәыз аиндаҭлара далахәын, аҩбатәи аҭыԥ аанылкылеит. Иара мҩаԥысуан цәыббра 18 - 24 рзы Ҭырқәтәыла, Анталиа.
Еицырдыруаз америкатәи ашәаҳәаҩ Чарльз Бредли 68 шықәса дшырҭагылаз иԥсҭазаара далҵит. Амассатә информациа ахархәагақәа ишырҳәо ала, иара имаз акьыбачымазара дзазымиааиит.
