Занҭариа апоетесса Лиолиа Тәанба лгәалашәара иазкны: ԥсра зқәым ашәа давторуп

17:46, 19 Ажьырныҳәа 2018

Апоетесса, зегьы еицырдыруа ашәа "Аиааира" ажәақәа равтор Лиолиа Тәанԥҳа иахьа лыԥсы ҭазҭгьы илхыҵауазаарын 66 шықәса, иҳәеит арадио Sputnik астудиаҟны лусумҭақәа инарҭбааны еидызкылаз ашәҟәы аԥхьажәа зыҩҩыз, апублицист Владимир Занҭариа.

Sputnik

"Ҳазлацәажәаша ҳамоуп": Владимир Занҭариа Лиолиа Тәанба лгәалашәара иазкны

"Ԥсра зқәым ашәа аԥылҵеит Лиолиа. Аиааира агимн ззуҳәаша. Ак узалмыршәо еиқәыршәоуп. Лыҩнуҵҟатәи адунеи, лара аԥсабара дшазыҟоу, ауаа дшырзыҟоу, лыԥсадгьыл дшазыҟоу гәыҩбара узаҵбаауамызт", — иҳәеит Владимир Занҭариа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.