АҞӘА, ажьырныҳәа 29 — Sputnik. 22 нызқь километр ԥшьыркца рҟынӡа Иапониатәи амшын иахьаҵанакуа аԥшаарақәа мҩаԥыргахьеит ҳәа аанацҳауеит РИА Новости.
"Восток" аекипаж ҩеижәаҩык амшынуаа рыла ишьақәгылан. Аԥшьаша ашьыжь аӷба адырра ҟанаҵеит авариатә дырраҭарала. Асабшаҽны аԥшааҩцәа абри аҭыԥ аҟны ирыԥшааит ауаа зықәтәамыз атыҩқәа ҩба.
"Иапониатәи амшын аҟны 22 нызқь километр ԥшьыркца рҟынӡа ирыҵаркуа аԥшаарақәа мҩаԥган. Аԥшаарақәа ирылахәуп 106-ҩык ауааԥсыреи аа-техникатә аки" ҳәа аҳәоит адырраҭараҟны.
Уаанӡатәи адырраҭарақәа рыла аԥшааҩцәа абри аҭыԥ аҟны ирыԥшааит ауаа зықәтәамыз атыҩқәа ҩба, ахеиқәырхага кьаҿқәа ҩба, ахеиқәырхага гьыжьқәа ҩба.
1985 шықәса рзы Кореиа иргылан аӷба "Восток". Аӷба ахатәуп ИАЕ "ДВ-флот".