АҞӘА, ажьырныҳәа 29— Sputnik. Аолимпиатә хеилак 169-ҩык урыстәылатәи атлетцәа аҭаҩра рнаҭеит ҳәа аанацҳауеит РИА Новости Урыстәылатәи Аолимпиатә еилакы апрезидент актәи ихаҭыԥуаҩ Станислав Поздниаков иажәақәа ҵаҵӷәыс иҟаҵаны.
Аԥшьашаҽны Урыстәылатәи Аолимпиатә еилакы ирыланаҳәеит ЖәОЕ (МОК) 169-ҩык урыстәылатәи атлетцәа аҭаҩра рнаҭеит ҳәа.
"Аспортсменцәа ҭарҩит. Урыстәылатәи аделегациа инагӡаны еиҿкаауп", — иҳәеит Поздниаков.
Ԥхынҷкәынмзазы Жәларбжьаратәи аолимпиатә еилакы аҳәамҭа ҟанаҵеит "ицқьоу" урыстәылатәи аспортсменцәа аолимпиада иалахәхоит ҳәа.