АҞӘА, ажьырныҳәа 30— Sputnik. Ажьырныҳәамза 29 рзы Аҧсны Аҳәынҭқарра Ахада Рауль Ҳаџьымба инапы аҵаиҩит Гагра араион Ахада изы Аусҧҟа. Абри атәы анацҳауеит атәыла Ахада иофициалтә саит.
Аусҧҟаҟны, ҷыдала, иҳәоуп:
"Ихы дақәиҭтәызааит Бганба Заур Рамшьыхә-иҧа Гагра араион Ахада имаҵзураҟнытә ииҩыз арзаҳал инақәыршәаны. Гагра араион Ахада имаҵзура инапынҵақәа аамҭала инапы ианҵазааит Гагра араион Ахада ихаҭыҧуаҩ Ҵәыџьба Геннади Платон-иҧа".