АҞӘА, жәабран 6 — Sputnik. Урыстәылатәи Афедерациа Ахада Владимир Путин Иааиԥмырҟьаӡакәа Аԥсны инхо Урыстәыла атәылауаа хәшәыла реиқәыршәаразы Аиқәшаҳаҭра аратификациа азиуит. Абри атәы аанацҳауеит РИА Новости.
Аиқәшаҳаҭра инақәыршәаны Аԥснынтәи инашьҭу адырра ҷыдақәа шьаҭас иҟаҵаны Урыстәылатәи Афедерациа ареспублика афинанс цхыраара анаҭоит, хәшәыла еиқәнаршәоит. шәыла еиқәыршәахо рахь иаҵанакуеит аинвалидцәа. Ахәшәқәа ахьрырҭо апункт ҷыдақәа аартхоит Гагреи Тҟәарчали.
Агәабзиарахьчара аминистрра апресс-маҵзура адырра ҟанаҵеит ахәшәқәа Урыстәылатәи аҳәаанырцәтәи апаспорти аинвалидраз аршаҳаҭга умани шакәу ишурҭо.
Иааиԥмырҟьаӡакәа Аԥсны иахьаҵанакуа инхо Урыстәыла атәылауаа хәыда-ԥсада хәшәыла реиқәыршәаразы Аиқәшаҳаҭра анапы аҵаҩын рашәарамза 22 2017 шықәса рзы.