АҞӘА, жәабран 6– Sputnik, Сариа Кәарацхьелиаԥҳа. Аԥснытәи аспортсменцәа Викториа Папазиани Ҭамаз Торчинавеи аԥыжәаратә ҭыԥқәа ааныркылеит Тхеквандо азы Урыстәыла Ахраҿаз аиндаҭлараҿ. Тхеквандо азы Урыстәыла Ахраҿаз аиндаҭлара азкын Сталинградтәи аибашьраҿы асовет ар риааира 75-шықәса ахыҵра. Аиндаҭлара мҩаԥысуан Москва, жәабран 1-5 рзы.
Абри атәы Sputnik акорреспондент илзеиҭеиҳәеит Аԥсны тхеквандо азы Афедерациа апрезидент Оҭар Гогәуа.
"Ҳаспортсменцәа угәы ҟарҵартә иқәгылеит. Ҭимур Барцыц иазыҟаиҵоз Викториа Папазиан актәи аҭыԥ аанылкылеит 45-50 кьыла зкапануаз рыгәҭа, Нугзар Торчинава иазыҟаиҵоз ҳаспортсмен Ҭамаз Торчинава ахԥатәи аҭыԥ ааникылеит амаҟа еиқәаҵәа занашьоу, 48-54 кьыла зкапануа аспортсменцәа рыбжьара", — иҳәеит иара.
Тхеквандо азы Урыстәыла Ахраҿаз аиндаҭлара азкын Сталинградтәи аибашьраҿы асовет ар риааира 75-шықәса ахыҵра. Аиндаҭлара мҩаԥысуан Москва, жәабран 1-5 рзы. Иара иалахәын 1000-ҩык рҟынӡа аспортсменцәа ҿарацәа.