Занҭариаԥҳа: 350 ҩык аспортсменцәа еизнагеит Очамчыра имҩаԥысуаз атурнир

17:27, 19 Жәабран 2018

Очамчыра имҩаԥысуаз зхы иақәиҭу ақәԥараз жәларбжьаратәи атурнир иалахәын 350 ҩык аспортсменцәа, Аԥсныи Урыстәыла еиуеиԥшым ақалақьқәеи рҟынтә, лҳәеит арадио Sputnik ҭелла иалҭаз аинтервиу аҿы абҩарҵәыреи аспорти рзы аҳәынҭқарратә еилакы аспорт аҟәша аиҳабы Жанна Занҭариаԥҳа.

Sputnik

"Ҳазлацәажәаша ҳамоуп": Жанна Занҭариа зхы иақәиҭу ақәԥараз атурнир иазкны

"Атурнир мрагыларатәи афронт аибашьцәа ргәалашәара иазкуп, иара мҩаԥысуеит есышықәса. Сынтәа џьашьахәыс иҳаман зхы иақәиҭу ақәԥараз ари атурнир 350 ҩык ахьеизнагаз. Ари аспорт хкы бзиа избо рхыԥхьаӡара рацәоуп", — лҳәеит Жанна Занҭариаԥҳа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.