АҞӘА, жәабран 23 – Sputnik, Бадраҟ Аҩӡба. Аԥшьаша, жәабран 22 рзы аҟәатәи ашколқәа №3, №14 рҵаҩцәа Аԥсны Аҳәынҭқарра Ареспубликатә асанитар-епидемиологиатә маҵзура алабораториа иаҭааит.
"Ҳколлега Елла Харчылааԥҳа ашкол аҟны аус луеит. Лара лоуп ахәыҷқәагьы арахь ааԥхьара рызҭаз. Ҳара ахәыҷқәа ҟәшацыԥхьаӡа иҩнаагалеит, ирзеиҭаҳҳәеит иҟаҳҵо шыҟаҳҵо, идҳарбеит", — лҳәеит алабораториа аиҳабы Викториа Барцыцԥҳа.
Ахәыҷқәа арахь раагара ӡбан еиҳа инарҭбааны иааҳакәыршаны иҟоу аԥсабара дырбаразы, абактериақәа шәарҭарас ирылоу еилыркаарцы лҳәеит лара.
"Иара убасгьы ирзеиҭаҳҳәеит аӡыржәтәи амшынӡи шгәаҳҭо", — ҳәа азгәалҭеит Барцыцԥҳа.
Аҟәатәи ажәиԥшьтәи ашкол аҵаҩы Самира Аҩӡыԥҳа еиҭалҳәеит илбаз-илаҳаз лара лзы даара аинтерес аҵаз.
Ашколхәыҷқәа аинтерес кны ирыхәаԥшуан амикроскоп ала абактериақәа, астафиллакокқәа реизҳара. Ирбаз азгьы ргәаанагарақәа еибырҳәон.
"Абактериақәа амикраскоп ала ҳрыхәаԥшуан. Урҭ рыҽшеихыршо атәы ҳарҳәеит", — лҳәоит аҵаҩы, Кристина Лабжаниаԥҳа.
Аԥшьаша, жәабран 22 рзы аҟәатәи ашколқәа №3, №14 рҵаҩцәа Аԥсны Аҳәынҭқарра Ареспубликатә асанитар-епидемиологиатә маҵзура алабораториа иаҭааит.