Дамениа: Зураб Ачба ибзоураны "Ахьтәы парламент" аихьӡарқәа аиуит

16:51, 23 Жәабран 2018

Жәабран 23 рзы диит еицырдыруа азинхьчаҩ, ауаажәларра-политикатә усзуҩ Зураб Ачба. Иахьа иара иԥсы ҭаны дыҟазҭгьы ихыҵуазаарын 68 шықәса. Зураб Ачба уаҩы цқьан, дыгәрагаҩын, абри атәы иҳәеит Sputnik арадиостудиаҟны Аԥсны Ахада иҟны аус зуа астратегиатә ҭҵаарақәа Рцентр адиректор Олег Дамениа.

Sputnik

"Хра злоу ахҭысқәа": Олег Дамениа Зураб Ачба ибзоураны "Ахьтәы парламент" аихьӡарқәа аиуит

"Зураб Ачба иаалырҟьаны ҳполитикатә ԥсҭазаараҿы ицәырҵыз уаҩуп. Аԥсны имаҷны дырдыруан, аха иаразнак деилаҳкааит дшыцқьаз, дышиашаз. Аиашазы, иаргьы еилыикааит Аԥсны имҩаԥысуаз ахы-аҵыхәа. Ажәлар изыӡырҩуан, иара ажәа аҳәара илшон, избанзар иаартыз уаҩын. Зураб Ачба ибзоураны "Ахьтәы парламент" аихьӡарқәа аиуит", — иҳәеит Дамениа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.