АҞӘА, жәабран 27– Sputnik, Сариа Кәарацхьелиаԥҳа. Аԥсны раԥхьатәи Ахада Владислав Арӡынба игәалашәара иазкны жәабран 25 рзы имҩаԥысыз Карате азы жәларбжьаратәи атурнир "Кекусинкай кубок Очамчыры" аҟны актәи аҭыԥ ааннакылеит карате кукусинкаи азы Аԥснытәи Афедерациа акоманда. Абри атәы Sputnik иазеиҭеиҳәеит карате кукусинкаи азы Аԥснытәи Афедерациа апрезидент Витали Ҷыҭанаа.
"Атурнир иалахәын 8 командаки 112 спортсмени. Акомандақәа быжьба аԥснытәиқәан, акы – Ҟрымтәи акоманда акәын. Карате азы жәларбжьаратәи атурнир "Кекусинкай кубок Очамчыры" аҟны актәи аҭыԥ ааннакылеит карате кукусинкаи азы Аԥснытәи Афедерациа акоманда, аҩбатәи аҭыԥ– Очамчыратәи акоманда, ахԥатәи аҭыԥ – Агәыӡератәи акоманда", — иҳәеит Ҷыҭанаа.
Аԥсны раԥхьатәи Ахада Владислав Арӡынба игәалашәара иазкны жәабран 25 рзы имҩаԥысыз Карате азы жәларбжьаратәи атурнир "Кекусинкай кубок Очамчыры" ахԥатәи турнируп. Уаанӡа иара мҩаԥган 2016 шықәсеи 2017 шықәсеи рзы.