АҞӘА, хәажәкыра 1 – Sputnik. Амилаҭтә банки ажурналистцәа Реидгылеи еицымҩаԥырго аконкурс иацҵахоит. Уи азы адокумент рнапы аҵарҩит Амилаҭтә банк ахантәаҩы Беслан Бараҭелиеи Аԥсны ажурналистцәа Реидгыла ахантәаҩы Руслан Ҳашыги.
Руслан Ҳашыг иазгәеиҭеит раԥхьаӡа акәны 2017 шықәса рзы ишымҩаԥгаз асеиԥш иҟаз аконкурс, алҵшәа бзиақәагьы шаанашьҭыз. Иара ҭабуп ҳәа реиҳәеит Амилаҭтә банк анапхгара, иаадырԥшыз аусеицура агәаҳәаразы, раартразы.
Беслан Бараҭелиа иакәзар иҳәеит гәахәарыла ишидикылаз Аԥснытәи АИХ абанктә системаҿы иҟоу апроблемақәеи аҿыцрақәеи ишрылацәажәоз. Ауааԥсыра ишрызнаргоз.
Ҵыԥхтәи аконкурс аихшьаалақәа мҩаԥган жәабран 25 рзы. Актәи апремиа ланашьахеит "Абаза-ТВ" акорреспондент Надежда Боровикова, аҩбатәи аҭыԥ — ажурналист Есма Џьыкырԥҳа, ахԥатәи аҭыԥ — Заира Ҵәыџьԥҳа.