Марыхәба: ҷыдала аӡбаҩцәа аԥсуа кәашара алыркааит

18:41, 13 Хәажәкыра 2018

Акәашаратә ансамбль "Амцабз" Москва ақалақь аҿы имҩаԥысаз ахореографиазы Иаарту Москва акубок агаразы аконкурс аҟны актәи аҭып аннакылеит ҳәа Sputnik Аԥсны ҭелла иазеиҭеиҳәеит актиор, ахореограф, ансамбль "Амцабз" асахьаркыратә напхгаҩы Лаша Марыхәба.

Sputnik

"Ҳазлацәажәаша ҳамоуп": Лаша Марыхәба Москва ақалақь аҿы имҩаԥысаз аконкурс иазкны

"Ари аконкурс раԥхьаӡа акәны ҳалахәын. "Жәлар рыкәашара" аноминациаҟны ҩба-хԥа кәашара ықәҳаргылеит. Ҷыдала аԥсуа кәашара алыркааит аӡбаҩцәа. Ас еиԥш иҟоу асценаҿы ахәыҷқәа раԥхьаӡа акәны иқәгылеит, аиашазы ирцәыцәгьан", — иҳәеит Марыхәба.

Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.