АҞӘА, хәажәкыра 22— Sputnik. Британиа ду Аԥыза-министр Тереза Меи илҭахуп Европа егьырҭ атәылақәагьы Москва ахара адырҵарц, ГРУ уаанӡатәи аусзуҩ Сергеи Скрипали иԥҳаи рус иахырҟьаны урыстәылатәи адипломатцәа атәылақәа ирылырцарц. Абри атәы аанацҳаит РИА Новости Bloomberg адыррақәа ҵаҵӷәыс иҟаҵаны.
Уи адагьы Аԥыза-министр Евроеидгыла асаммит аҟны аҳәамҭа ҟалҵеит "Урыстәыла апроблема шықәсыла аҭыԥқәҵара шамоуа", Москва акәзар Европа зегьы азы ашәарҭара шахылҵуа.
"Британаиатәи ачынуаа аҳәамҭа ҟарҵоит адунеи зегьы Урыстәыла иадырдырыр шакәу ахымҩаԥгашьа ҭакда ишаанымхо", — ҳәа аҳәоит амаҵзура адырра.
Хәажәкыра 4 рзы Солсбери, Британиатәи амаҵзура ҷыдақәа аус рыцызуаз, уаанӡа ГРУ аус зуаз Сергеи Скрипаль ахәшә иҭан дшьын.
Ахархәара аман Урыстәыла иҭыжьу амаҭәашьар "Новичок" ҳәа аҳәамҭа ҟанаҵеит Британаитәи амаҵзура ҷыда.
Урыстәыла акәзар абри мап ацәнакуеит.