АҞӘА, хәажәкыра 26 – Sputnik. Хәажәкыра 24 рзы Аԥсны Ахада Рауль Ҳаџьымба, Владимир Путини иареи ҭелла реицәажәараан идиныҳәалеит Урыстәылатәи Афедерациа Ахада иалхрақәа раан иигаз аиааира. Абри атәы аанацҳауеит атәыла Ахада иофициалтә саит.
"Аԥсны Ахадеи Урыстәыла Ахадеи ҭелла реицәажәараан ирылацәажәеит ҩ-ганктәи аусеицура актуалтә зҵаарақәеи, Аԥсны-Урыстәылатәи аизыҟазаашьақәа ԥхьаҟа рыҿиара азҵаареи", — ҳәа аҳәоит адырраҭараҿы.
Аԥсны Ахада Рауль Ҳаџьымба Владимир Путин идиныҳәалеит Урыстәылатәи Афедерациа Ахада иалхрақәа раан иигаз аиааира.
Аофициалтә дыррақәа рыла Владимир Путин изы рыбжьы рҭиит 76,69% алхыҩцәа.