АҞӘА, мшаԥы 4— Sputnik. Ателемҩаԥгаҩы Михаил Шац адиктант атекст даԥхьоит Красноиарск, апоетесса Ирина Астахова — Иркутск, ашоу "Студия Союз" алахәыла Виктор Шьчетков –Тиумен, актер Виктор Сухоруков – Таллин ҳәа аанацҳауеит РИА Новости, апроект анапхгаҩы Ольга Ребковец лажәақәа ҵаҵӷәыс иааганы.
"Мҽхакыҭбаалатәи адиктант" хацыркхеит 2004 шықәса рзы, Новосибирсктәи аҳәынҭқарратә университет аҟны. Аԥхьатәи ашықәсқәа раан ахархәара рырҭон аурыси аҳәаанырцәтәи аклассикеи рцыԥҵәахақәа. 2010 шықәса раахыс атекст рыҩразы иадрыԥхьало иалагеит ҳаамҭазтәи ашәҟәыҩҩцәа. Еиуеиԥшым ашықәсқәа рзы адиктант атекст рҩит: Борис Стругацки, Захар Прилепин, Дина Рубина, Алексеи Иванов уҳәа егьырҭгьы.
"Мҽхакыҭбаалатәи адиктант" есышықәса имҩаԥырго рҵаратә акциоуп.Раԥхьаӡа акәны адиктант мҩаԥган 2004 шықәса рзы Новосибирск.
Аԥхьахәқәа "Большая книга", "Ясная Поляна" рлауреат, ароман "Зулейха открывает глаза" автор, ашәҟәыҩҩы Гузель Иахина далыркааит 2018 шықәса рзы имҩаԥысраны иҟоу "Мҽхакыҭбаалатәи адиктант — 2018" авторс.
"Мҽхакыҭбаалатәи адиктант — 2018" мҩаԥгахоит мшаԥымза 14 рзы.