АҞӘА, мшаԥы 12– Sputnik, Сариа Кәарацхьелиаԥҳа. Аҵарадырратә акциа "Мҽхакыҭбаалатәи адиктант" 2018 шықәса рзы имҩаԥысуеит ареспублика ақалақьқәа хԥа: Аҟәа, Гагра, Очамчыра рҟны ҳәа Sputnik иазеиҭалҳәеит Аԥсны иҟоу Аурыс культуратә центр афонд анапхгара ахантәаҩы Наталиа Каиун.
"Сынтәа адиктант иалахәхеит Гагреи Очамчыреи. Уи агәахәара ҳнаҭоит", — лҳәеит лара.
Аҳҭнықалақь аҿы акциа мҩаԥгахоит Пушкин ихьӡ зху ашкол №2 аҟны.
Гагра акциа мҩаԥгахоит Ацентртә библиотекаҿ.
Очамчыра – абжьаратә школ №2 аҟны.
Сынтәа адиктант аҩра аҽалархәразы заанаҵы аҽҭаҩра аҭахым заанаҵы. Изҭаху дааиуеит, иҩуеит лҳәеит Каиун.
"Изҭаху зегьы адҳаԥхьалоит абри ауснагӡатә. Иааиааит имԥхашьакәа", — лҳәеит лара.
"Мҽхакыҭбаалатәи адиктант" Аԥсны имҩаԥгахоит мшаԥы 14 асааҭ рзы, аха Аԥсны иҟоу Аурыс культуратә центр афонд анапхгара ахантәаҩы Наталиа Каиун алахәылацәа ирабжьылгоит заа иааирц – адиктант аҩра аԥхьа авидеороликқәа дырбахоит, ажәеинраалақәа ирыԥхьахоит.
Аԥхьахәқәа "Большая книга", "Ясная Поляна" рлауреат, ароман "Зулейха открывает глаза" автор, ашәҟәыҩҩы Гузель Иахина далыркааит 2018 шықәса рзы имҩаԥысраны иҟоу "Мҽхакыҭбаалатәи адиктант — 2018" авторс.
Еиуеиԥшым ашықәсқәа раан "Мҽхакыҭбаалатәи адиктант" атекст иаԥхьон: Борис Стругацки, Дмитри Быков, Захар Прилепин, Дина Рубина, Алексеи Иванов.
Аԥсны акәзар, адиктант атекст иаԥхьоит: Аҟәа – Москватәи акультура-усутә центр адиректор хада Зоиа Баутина, Очамчыра – Ека Махариаԥҳа, абжьаратә школ № 2 арҵаҩы, Гагра – Игорь Лешьченко, Гагра араион аурыс уаажәларра рхеилак "Славянский дом" ахантәаҩы.
"Мҽхакыҭбаалатәи адиктант" хацыркхеит 2004 шықәса рзы, Новосибирсктәи аҳәынҭқарратә университет аҟны. Аԥхьатәи ашықәсқәа раан ахархәара рырҭон аурыси аҳәаанырцәтәи аклассикеи рцыԥҵәахақәа.