АҞӘА, мшаԥы 16— Sputnik. Москва швеицариатәи ақалақь Шпиц аҟны иҟоу арадиологиатәии ахимикорадиологиатәии анализ ҟазҵо ацентр аҟынтәи иаиуит Солсбертәи аҭҵаарақәа рҭак. Шпиц аҟны иҟоу арадиологиатәии ахимикорадиологиатәии анализ ҟазҵо ацентр аинформациала Скрипалиаа ирырҭаз ахәшә-маҭәашьар Америкеи Британиеи рырратә мчрақәа рҟны ахархәара змоу BZ ауп.
Урыстәыла Адәныҟатәи аусқәа рминистр Сергеи Лавров иҳәеит СССРи Урыстәылеи ари амаҭәашьар ҭрыжьуам ҳәа.
Иара убасгьы Лавров даԥхьеит швеицариатәи аекспертцәа ОЗХО ашҟа инарышьҭыз, "Скрипалиаа ирырҭаз ахәшә-маҭәашьар Америкеи Британиеи рырратә мчрақәа рҟны ахархәара змоу BZ ауп. СССРи Урыстәылеи ари амаҭәашьар ҭрыжьуам" ҳәа зҳәо адокумент ацыԥҵәаха.
Британиатәи Солсбери аҿы хәажәкыра 4 рзы ГРУ уаанӡатәи аусзуҩ Сергеи Скрипали иԥҳа иулиеи ахәшә-маҭәашьар рыҭан. Лондон уи Урыстәыла иҭрыжьыз амаҭәашьар А-234 ауп ҳәа иқәгылеит. Москва акәзар уи мап ацәнакит.