АҞӘА, мшаԥы 17 — Sputnik. Шьамтәыла аҳаирҽыхьчара асистемақәа аҳаиртә баӷәаза Шаират иалахысуаз аракетақәа жәба рҟынӡа ааха рыҭаны икарыжьит. Абри атәы аанацҳауеит РИА Новости.
"Хомса араион иахьаҵанакуа иҟоу аҳаиртә баӷәаза Шаират иақәкны инашьҭыз аракетақәа жәба рҟынӡа кажьуп" ҳәа аанацҳауеит амаҵзура адырраҭара.
Аинформациатә портал Аль-Масдар аҳәамҭала аракетақәа нашьҭын Израиль аҵакыраҟынтәи. Аҭыжьымҭа ишаҳәо ала шьамтәылатәи ар аҭак ҟарҵеит.
Ателеканал "Аль-Маядин" аҳәамҭала аҳаиртә баӷәаза Думеиргьы аракетатә жәылара азун. Ателеканал адыррақәа рыла ари ҟалеит абри араион аҟынтәи аоппозициатә ар ралгараз аиҿцәажәарақәа анымҩаԥысуаз аамҭаз.
Уаанӡа ЕАШ (США), Британиа, Франциа дамасктәи аиҳабыратә хыбрақәа ирықәкны шәкы инарзынаԥшуа ракета ҭдырҟьахьан.