"Хра злоу ахҭысқәа": Тапаӷәуа аԥсуа делегациа Ҟрымҟа рцара иазкны
© Sputnik
"Ҟрым сымцацызт, убри аҟнытә еиҿсырԥшыр сҭахын Аԥсныи иареи. Ҳара иҳамо аԥсабара аԥшӡареи дара ртәыи иузеидкылом. Ҳхы ииашан имҩаԥаагар, зыԥсы зшьар зҭаху изы иақәнагоу аҭагылазаашьақәа аԥаҳҵар, ҳәара аҭахума, аԥыжәара ҳара иҳамазаауеит.
Севастополь ҳаҟазаара аамҭа иалагӡаны иаабеит адәыӷба, аԥсшьаҩцәа ныҟәызго, иара Шәачанӡа иаауеит. Еилаҳкааит ишцо аиҿцәажәарақәа убри адәыӷба Аԥснынӡа иааӡаларцаз. 800-ҩык ауааԥсыра акуеит, сгәы иаанагоит, наҟ-ааҟ аиҭанаиааиразы иара маншәалахоит ҳәа. Ари атуризм аганахьала "амшынтә гәашәқәа" аанартуеит", — ҳәа азгәеиҭеит Тапаӷәуа арадио Sputnik Аԥсны аефир аҟны.