АҞӘА, мшаԥы 20 — Sputnik. Урыстәыла Аҳәынҭқарратә дума адепутатцәа афракции "Справедливая Россия" аҟынтәи иалагалаз ан лмал ахархәара арҭбаара иазырхаз азакәан апроект ҿыц иалацәажәеит ҳәа аанацҳауеит РИА Новости.
Адепутатцәа раԥшьгара инақәыршәаны ан лмал ахы иархәахар ҟалоит ақалақьнҭыҵтәи аҩны аахәара, аргылара, арҭбаара. Убри аан адачатә ҩны Урыстәыла адгьылҵакыраҿ игылазароуп.
Афракциа "Справедливая Россия" аиҳабы Сергеи Миронов иазиԥхьаӡоит асеиԥш алшара урыстәылатәи аҭаацәарақәа рзы хра аманы иҟоуп ҳәа.
Миронов иажәақәа рыла ан лмал аҵареи атәанчахәцҵеи рыҳасаб ала ахархәара акыр илаҟәуп.
Апроект авторцәа иазгәарҭеит апрограмма, 2007 шықәса рзы ианхацдырк инаркны ан лмал асертификат 7,3 миллионҩык ироуит ҳәа. Убри аан аԥара ахархәара арҭеит 54,3%. Аиҳараҩык аԥара ахархәара арҭеит рынхашьатә ҭагылазаашьақәа реиӷьтәразы.
"Ҳгәы иаанагоит атәылауаа абри алшара еигәырӷьаны ахархәара арҭап ҳәа. Апрактикаҿ ишаабо ала ан лмал ахархәараан аԥыжәара зырҭо анхарҭатә ҭагылазаашьақәа реиӷьтәроуп", — иҳәеит Сергеи Миронов.
Ан лмал ахархәара арҭбаашьа иалнаршоит ақалақьнҭыҵтәи аҩны аахәара, аргылара, арҭбаара.