Гындиа аԥсшьаҩы ишәарҭадара иазкны: зегьы ҳусбарҭа иадҵаалар ауп
© Sputnik
"Атуристцәа ԥсшьара ианаауа ашәҟәы рыҽҭаргалар ауп, иадырбар ауп изҭааран иҟоу аҭыԥқәа. Џьара маршрутк алхны ныҟәара ицозар, адырра ҟарҵароуп ҳусбарҭаҿы, аха ус еиԥш ҟазҵо маҷҩуп. Абри зегьы аԥсшьаҩы аҳәаа данахыҵуа ирдыртәуп, мамзаргьы уи атәы зҳәо алаҳәагақәа кыдзароуп. Машәырк ихьӡар, дахьасша идыруазароуп.
Асасаирҭақәа еиқәыршәазароуп иахәҭоу абылраҽацәыхьчаратә маругақәа рыла. Агәаҭарақәа раан ирымоу агхақәа реилҳаркаауеит, ахараԥса рықәаҳҵоит, аха уи ахараԥса ахә убысҟак имаҷуп, хырҩа азҭогьы ыҟоуп", — иҳәеит Гындиа арадио Sputnik Аԥсны аефир аҟны.