АҞӘА, мшаԥы 24 – Sputnik. Арцахи Аԥсни Раҳаҭыртә консулцәа ринститут аԥҵара аԥшьгара аидеиа иадгылеит Аԥсны Адәныҟатәи аусқәа рминистр Даур Ақаҩбеи Ареспублика Арцах Адәныҟатәи аусқәа рминистр Масис Маилиани. Абри азы адырра ҟанаҵеит Аԥсны Адәныҟатәи аусқәа рминистрра аофициалтә саит.
"Даур Ақаҩбеи Масис Маилиани Арцахи Аԥсни рҟны Аҳаҭыртә консулцәа ринститут аԥҵара аԥшьгара аидеиа иадгылеит. Дара ргәаанагарала аҳәынҭқаррақәа рыбжьара аизыҟазаашьа зырҿио акакәны иԥхьаӡаны", — ҳәа аҳәоит Аԥсны Адәныҟатәи аусқәа рминистрра аофициалтә саит.
Аиԥылараан иазгәаҭан 2017 шықәса рзы аминистррақәа аҩба рыбжьара анапы зҵаҩыз жәларбжьаратәи аусеицура аусхк аҟны аилибакаараз Амеморандум апринципқәа ишрыцәхьамҵуа.
Аиԥылара алахәылацәа ирҳәеит Амеморандум ҩ-ганктәи аусеицура аԥеиԥш еиҳа-еиҳа ишарҭбаауа.
Аԥсны Адәныҟатәи аусқәа рминистр Даур Ақаҩба зхадараҿы дыҟоу Адәныҟатәи аусқәа рминистрра аделегациа усутә ныҟәарала Ареспублика Арцах аҟны.