АҞӘА, мшаԥы 25 – Sputnik. Атеррористцәа ирҿагылан ажәылара амҩаԥгараан Египеттәи аруаа Синаитәи адгьылбжьахаҿы иҭадырхеит 30-ҩык рҟынӡа аекстремистцәа ҳәа аанацҳауеит РИА Новости.
Иазгәаҭоуп атеррористцәа ирыдҳәалоуп ҳәа агәызҩара ззыҟаз 200-ҩык рҟынӡа ауааԥсыра шаанкыло.
Египеттәи арратә мчрақәа роперациа "Синай-2018" мҩаԥысуеит жәабранмзаахыс. Абри аамҭала 200-ҩык рҟынӡа аекстремистцәа ҭархоуп, зықьҩык рҟынӡа аанкылоуп.